بایاتی جدید - رضا کاظمی اردبیلی

شعر : رضا کاظمی اردبیلی 
1399/01/03

موضوع : شعر کوتاه بایاتی 

 

سو      گَلَر   داشا     باخماز 
وُران      اَل    باشا    باخماز
گوزلَه   کیچیک    قیزین نان 
نامرد لَر      یاشا      باخماز 

 

داغ    توکولوب   داش  گَلیر
ایکی   گوزدَن     یاش  گَلیر 
بیلمیرَم           نیه        الله 
ایشلَری میز      چاش    گَلیر 

 

آنا        دیلی        ساتیل سا 
یورد     سیلینیب    باتیل سا 
چیخار     یاد دان    اصلییت
غیرت       دامار      یاتیل سا 

 

گویدَن      ایلدیریم    شاخیر 
گَلیب    سو    چایدان    آخیر 
هَر    نَه    ایش    گورَخ   اونا 
دیققَت دَن       الله       باخیر 

 

اوخور        آغاژدا        بولبول 
گوزلدی     یای دا        سونبول 
دُنیا        اولوم         ایتیم دی 
وار       نَقَدَر      عومور     گول 

 

❤️❤️

هارداسان - رضا کاظمی اردبیلی

شعر : رضا کاظمی اردبیلی 
محاوره ای 

موضوع : هارداسان

 

یوخو     گَلمیر   گوزلَریمه 
هاردا    قالیبسان  گوزَلیم 
آیریلیقیننان    مَنی   سَن
دَرده    سالیبسان  گوزَلیم

 

بیر گون  اولمویوبکی سَنی
یادَه   سالیب   آغلامی یام 
سَن نَن   اوتور  مَن اورَگی 
هَر   گِئجه لَر  داغلامی یام

 

هَر   طَرَفه    من   باخیرام 
شَکلین    دوشور  گوزلَریمه
یازان دا     سَن نَن   قَلَمیم
سیزیل     دایر    سوزلَریمه 

 

سَن کی  دوشورسَن یادیما
توتور   مَنی   بویک    کَدر 
بو    اینتیظار دان    گوزَلیم 
جاوان لیغیم   اولدو   حَدر 

 

آندوسون    آل لاهه   قَسَم 
فَقَط     سَنی    ایزله میشم
گوز  تیکیب  یولا  سِوگیلیم 
فقط    سَنی    گوزله میشم

 

❤️ 1398/12/22

آختاریرام - رضا کاظمی اردبیلی

شعر : رضا کاظمی اردبیلی 
محاوره ای 

موضوع : آختاریرام 

 

باش  آغاریب  دیش توکولوب 
۳۰        یاشین دا     اولموشام 
تای لاریم     اِئولَنیب    گِدیب 
مَن   هَله   اوغلان قال میشام 

 

وءریب    باشا    توی  هاواسی 
گوزل     بی     تار    آختاریرام 
یورولوب    تَک    یاشاماق دان 
نازلی      بی    یار    آختاریرام 

 

بی   قیز  گَزیب       آختاریرام 
زیندَگی نین      یولین    بی لَه 
هَر   سوز   اوستَه  آجیغ ائلئیب 
قاچ می یَه   تِز   نَ نَ    گی له 

 

هَر   شئیی  چولده   قویمویوب  
آبیرلی         حایالی         اولا 
سومسوگ   ایت دَری  سایمئیب 
فَقَط       اَر      مارالی      اولا 

 

هَر    سوزی    سوز  اِی لَمِییب 
ایصالَتی          اِئلی         اولا 
یازیغ   اَر   ایش دَن  گَه لَن دَه 
اونا    بی   خوش   دیلی   اولا 

 

❤️❤️ 1398/12/16

سنسیز - رضا کاظمی اردبیلی

شعر : رضا کاظمی اردبیلی 
محاوره ای 

موضوع : سنسیز 

 

توتولوب   مَن   هَر   گِجَه لَر 
اورَک دَن   آغلادیم  سَنسیز
اَگ لَشیب     مَن    دیزلَریمی
بَ تَر   قوجاغلادیم  سَنسیز

 

هَر   گون آی نا   قاباغین دا 
ساچلاری  یاغلادیم  سَنسیز
تیپ وُروب  سَنی  گوزلِییب
گون لَری  سایلادیم سَنسیز

 

سالیب  یادا  سَنی  هَر  گون 
قَلبیمی    داغلادیم   سَنسیز 
فیکیر      وِریب    خاطیراتا 
گوزلَری     باغلادیم  سَنسیز 

 

مَن    ایئلَردی   بو   دَردلَری 
اورک دَه  ساخلادیم  سَنسیز 
یالان نان    گولَش   اوزومی 
هامی یَه   پایلادیم   سَنسیز 

 

سِوگیلیم  او  خوش  گونلَری 
هَر  گون  واراخلادیم سَنسیز 
سَن نَن    سورا    شادلیقلاری 
آتیب  مَن   اوخلادیم سَنسیز 

 

❤️❤️❤️❤️

عاشیق(عاشق) - رضا کاظمی اردبیلی

شعر : رضا ڪاظمی اردبیلی 
محاوره ای 

موضوع : عاشیق 

 

من     ایئلردی     هَر    گِجه لَر 
سَن نَن     اُوتور    یاتمامیشام 
سَن    آتیبسان    عِشیووی مَن
سَنی       باشدان    آتمامیشام 

 

مَن     دَلی    دیوانه    ڪیمین 
هَر  گون   سَنی   چاغیرمیشام
های ڪوی سالیب اوجا سَسلَن
دَردَن       اِله        باغیرمیشام 

 

نَ     اولار     سِوگیلیم     قاید
سَنسیزلیڪ    اینجیدیر    مَنی 
گِجَه   گوندوز  یانمیش  اورڪ
الله     دان     ایستِییر     سَنی 

 

قاریشیبدور     حِس و   حالیم 
گَه   گور   نَ   گوندییَم  گولوم 
یِتیشیبدور       غَم       بوغازا 
آرزولییام    هَر     گون   اُولوم 

 

اوقَدَر  😭     مَن    آغلامیشام 
وَرَم     گَلیب    دور     گوزومه 
جاوان    یاشدا     قوجالمیشام 
یاشیم       یاراشمیر     اُوزومَه 

❤️❤️❤️❤️❤️