شعر : رضا کاظمی اردبیلی
1399/02/08
موضوع : محبت
مَحَبَت ایلَدیم جان نان
مَحَبَت دوستی ایمان نان
گَلیب بیزدَن یییَن دوسلار
چالیب دالدان ایلان اولدو
مَن اولدوم هامییَه صادیق
سویَر دوز اینسانی خالیق
بیزه هر کَس اورگ آشدی
بوتون سوزلَر یالان اولدو
دونَن جوح جوح دییَن اینسان
موزیک دَن بیلمییَن فینجان
اولوب صاحب نظر یارب
بیزه آهنگ یازان اولدو
سوروم نان کِشدی احوالیم
بی گون خوش اولمادی حالیم
دوغوردو یاتمادیم آج من
یئدیم آمما یاوان اولدو
کَدر خوش گون لَری چالدی
گَلیب قَلبیمده یئر سالدی
آلیب یِکسَر مَنی غُصصَه
اورکدَه غَم قالان اولدو
❤️❤️❤️
