باشلیق : کرونا
چیخیب چول ده دولانماق دان بو ویروسه کمک ائتمه
آیــل تئــز خوابِ غفلت دن اوتــور ائــوده چـوله گئتمه
تــوتــوب دریای غـم شهـری چالـیب آهـنگِ غــم ائل لر
چیخیب چولده دولانساق بیز اولار پر-پر تامام گول لر
نییه فیکر ایلیسن اینسان ، چوله چیخماق شهامت دیر
بــو گــون لرده چوله چیخماق بابام والله حیماقت دیر
آلیــب مین لر جــانی جانــدان بـو ویروسی ائدین باور
نئــچه گون ائوده قالماق دان اولـون سـیز اولکییه یاور
شاعر : رضا کاظمی اردبیلی
شعر : رضا کاظمی اردبیلی
محاوره ای
موضوع : هارداسان
یوخو گَلمیر گوزلَریمه
هاردا قالیبسان گوزَلیم
آیریلیقیننان مَنی سَن
دَرده سالیبسان گوزَلیم
بیر گون اولمویوبکی سَنی
یادَه سالیب آغلامی یام
سَن نَن اوتور مَن اورَگی
هَر گِئجه لَر داغلامی یام
هَر طَرَفه من باخیرام
شَکلین دوشور گوزلَریمه
یازان دا سَن نَن قَلَمیم
سیزیل دایر سوزلَریمه
سَن کی دوشورسَن یادیما
توتور مَنی بویک کَدر
بو اینتیظار دان گوزَلیم
جاوان لیغیم اولدو حَدر
آندوسون آل لاهه قَسَم
فَقَط سَنی ایزله میشم
گوز تیکیب یولا سِوگیلیم
فقط سَنی گوزله میشم
❤️ 1398/12/22
شعر : رضا کاظمی اردبیلی
محاوره ای
موضوع : آختاریرام
باش آغاریب دیش توکولوب
۳۰ یاشین دا اولموشام
تای لاریم اِئولَنیب گِدیب
مَن هَله اوغلان قال میشام
وءریب باشا توی هاواسی
گوزل بی تار آختاریرام
یورولوب تَک یاشاماق دان
نازلی بی یار آختاریرام
بی قیز گَزیب آختاریرام
زیندَگی نین یولین بی لَه
هَر سوز اوستَه آجیغ ائلئیب
قاچ می یَه تِز نَ نَ گی له
هَر شئیی چولده قویمویوب
آبیرلی حایالی اولا
سومسوگ ایت دَری سایمئیب
فَقَط اَر مارالی اولا
هَر سوزی سوز اِی لَمِییب
ایصالَتی اِئلی اولا
یازیغ اَر ایش دَن گَه لَن دَه
اونا بی خوش دیلی اولا
❤️❤️ 1398/12/16
شعر : رضا کاظمی اردبیلی
محاوره ای
موضوع : مجنون 1398/12/15
یِتیشدی آخشام یئنَه دَه
دوشدون یادیما گِجَه لَر
بوغولوب قالمیشام تَنها
گَل فَریادیما گِجَه لر
بو غَم لی آیریلیق فیکیر
سالیب دو چول لَره مَنی
آلیب دو آغلیمی باشدان
سالیب دو دیل لَره منی
سئودیم سَنی سَن آیریسین
عِشقین مَنه حارام اولدو
اولونجَک بو عشق ایستَمک
اورک دَه بیر یارام اولدو
بیر گونه قالدیم سِوگیلیم
آغلادی داغ لار حالیما
چول دَه گَزن دَه آغلادی
گویدَکی قوش لار حالیما
بَستی داها غم لی حالیم
توتول ما اینجیت مَه اوزوی
گِه دَن گِه دیب گَلمییَجک
داش دی اورک دِمه سوزوی
❤️❤️❤️
