نامرد - رضا کاظمی اردبیلی

باشلیق : نامرد

بو دونیادا گوزل اینسان هئچ کیم سنه کومک اولماز
چالیش اؤزون بو دونیادا چالیشماسان چورک اولماز

نامـرده باش اگمه‌گـی‌نن نامرد یاپیشماز الووی
وعده وئریب هئی اوینادار اینتیظار قیرار بئلووی

توکــل ائـت آللاهووا تـوت یـولووی گئت قاباغا 
چالیش اؤزون قویما قـویا بـوینووا میننت خاناغا 

قالخ گویلره قارتال کیمی قوی قارغانین گوزی چیخسین
قویما سنی ، قار قار ائدن قارغالارین سوزی ییخسین

شاعر : #رضا_کاظمی_اردبیلی

آدام ساتان - رضا کاظمی اردبیلی

باشلیق : آدام ساتان ( آدم فروش ) 

آدام ساتانلار دوستـــوم ایــکی اوزلـو هــم بیـــج اولار 
قـــان ایسینی ایلئییب هئــی میلچک کــیمی قانا قونار

تولـــکو اولار آدام ســاتان گـولـوش اوزدن ائــوو ییخار 
اوزده یاخـــشی دالدا سنیــن بویرووه بویده نی سوخار

آدام ساتان تولــکو کیـمی دوسـت اولوب سنــه قاریشار
بیر سوز آتیب بئش گوتوروب گئدیب دالینجاق دانیشار

آدام ساتــان پــــول قــولودو آلــنووا داش زول لییار او 
کـیم یـــال آتـــسا آج تولا تــک اونا قویروق بول لییار او

#رضا_کاظمی_اردبیلی

قارانقو - رضا کاظمی اردبیلی

باشلیق : قارانقوُ

دوغـوم گونـوندن آلنیما ، ووروب فلک بویوک کدر
گلن گونوم گوز آچجاغین ، سکته ائدیب اولور هدر

ذرّه ایشیق گوره‌م‌میرم ، آلیب قارانقوُ دوره‌‌می
چون‌کی گوروب گوز آچجاغین ، گوزوم کاسیب‌لیغی،غمی

آیــاق قویـوب بوغـازیما ، بتــر سیخیر بو روزیگار 
بلکــه‌ده اولمــوشم جانیم ، موجازاتیم‌دی بو دیار 

الهـی وئرگــی‌نن جـاواب ، نیله‌میشدیم آخی سنه 
سرنوشتی یازان‌دا سن ، خوش گونو یازمادین منه

شاعر : #رضا_کاظمی_اردبیلی

کورونا - رضا کاظمی اردبیلی

باشلیق : کرونا

چیخیب چول ده دولانماق دان بو ویروسه کمک ائتمه
آیــل تئــز خوابِ غفلت دن اوتــور ائــوده چـوله گئتمه

تــوتــوب دریای غـم شهـری چالـیب آهـنگِ غــم ائل لر 
چیخیب چولده دولانساق بیز اولار پر-پر تامام گول لر

نییه فیکر ایلیسن اینسان ، چوله چیخماق شهامت دیر
بــو گــون لرده چوله چیخماق بابام والله حیماقت دیر 

آلیــب مین لر جــانی جانــدان بـو ویروسی ائدین باور 
نئــچه گون ائوده قالماق دان اولـون سـیز اولکییه یاور

شاعر : رضا کاظمی اردبیلی

کرونا - رضا کاظمی اردبیلی

باشلیق : کرونا 

زهـر ائلــه ییب بایـرامی سـن ، یئر گویی آلدین کورونا 
افعــی ایــلان تــک شیغییب دونـیـانی چالـدین کورونا

اولکـــه لره غصصه سالـیـب حـال لاری توتدون کورونا
شادلیـغی بیر گورزه کیمین : هئی گلیب اوتدون کورونا

«کسب و کاری» تعطیل ائدیب ائولری ییخدین کورونا 
قورخـو داشــین دال - با دالا میللــته سیخدین کورونا

اولکــــــه لره آغلاماغـــــین بـــومبــاسین آتدین کورونا 
چــوخ بشرین روحــون آلیب ، توپراغا ساتدین کورونا

#رضا_کاظمی_اردبیلی