باشلیق : اینتیظار
گـــوزله ریم یــولدا قـالیبدور سئوگیلیم هاردا قالیبسان
ائلئیب ســن مـــنی مــجنون آغلـیمی باشدان آلیــبسان
کئشدی آیلار ، کـئشدی ایـل لر اینتیظار صَبریمی کسدی
اوره گیــم شــیددَتِ غمــدن ســارالیب گُل کیمین اسدی
اینتیظاردان قــورویوب گــوز یـورولوب دایانمیشام من
آغاریب ساچ ، اگیلیب بئل منی پیس قوجالتمیسان سن
قـــورخورام عـــومور قــالمییا دییشم دونـیامی سنسیز
ســن گـــلن گـــونو گـورمییم گلدیگون یول اولا منسیز
شاعر : #رضا_کاظمی_اردبیلی
باشلیق : یالانچی لار
بـــو دونــیادا یالانــچی لار قــویما سـنه تــور توخییا
گونـــده بــیر حـققا ماهنیـسین قـولاق لاریندا اوخییا
یالانچـــی لار تولکو کیمین چوخ اوزونه نیقاب گئییر
دئسن نیــیه دئـدین یالان بیــر آیریسین تاپیپ دئییر
یالانچــی لار یالان سـوزو چوخلو شیـرین دئیـیر سنه
قورد سنـی آللاتماغیچون مین جور گئییم گئییـر سنه
هــر نــه یــه اولــسا تاماهیــن یــالان اونا کمین قورار
سـونرا بــیلرسن نــه اولوب چـون اوولی شیرین اولار
#رضا_کاظمی_اردبیلی
باشلیق : روزیگار
ایلیـشیب بـیر گـونه دوشـدوم اوره گـی بوتون غم آلدی
ایسـته ییب یئتیش مه دیم من حسرتی اورک ده قالدی
گــوزلریم دولـــدو هـــر آخشــام سنــی من یاده سالاندا
آلیشــیب یــانـــدیم اوره ک دن شکــلووُ قابــه سالانــدا
روزیــگار افعـــی ایـــلان تــک هــر طــرفدن منی چالدی
اومـــودوم تکـــجه سنـــیدین سنـــی ده الیــم دن آلــدی
کاش بیلیردین کی سنین چون گوزلریم گونده قان آغلار
حــــالیمی روایــت ائــدسم اوره گــو هــر ســوزی داغلار
شاعر : #رضا_کاظمی_اردبیلی
باشلیق : آتدی منی
قـوی بـی گونومدن دانیشیم بیرین اوره ک دن ایسته دیم
گـوردوم آیـریسیندان اونـو سوزون اوره ک ده گیـزده دیم
گـــوروب بــیرین آتـــدی مــنی مــوندار پولا ســاتدی مـنی
گئــدیب او اونــدان قـوروشوب اوره ک دن آغـلاتدی مـنی
اوز اوزومــه دیـیردیم کــی بلــکه او منـــــدن قـــالاجــاق
نـــه بیلیردیم گلـیب مـنی کـــبری ایـــلان تـــک چالاجــاق
اینــــدی ده باخ ایــــنامیرام ایـــسته دی گـــیم آتیب منـی
ایـــسته مــه گــی یــالان چـیـخیب الــینده اوینادیب منی
شاعر : #رضا_کاظمی_اردبیلی
باشلیق : فلک
گــه بـاخ گینان گــوزله ریمه گور نه دولبدور بو گوزوم
دانیـشدیرما دانــیشام گــر اوره گـو یانـدیرار ســوزوم
دردلی سوزوم چوخدو منیم غصّه سیندن یانیر اوره ک
هانــکی گــونوم دن دانیشیم بـد گتیریب چالیر اوره ک
جـــاوان لیقدا ســـاچ آغـــاریب بَتــر قـوجالمیشام فلک
هامــمی گلــیب دوســت آدیــنا فَقـط مـنه ویریب کلک
دوز دانیشان یوخویموش هئچ هاممی منفعت آختاریر
هـــر بیـــر فـــورصت دن اوزونــه شـان منزلت آختاریر
دای یـــورولوب دایــانمیشام دوره وَریـــم تـــامام یالان
کـــاش کی یـــالانچی اولمــییا بــوندان بئــله منه قالان
شاعر : #رضا_کاظمی_اردبیلی
