فانی دونیا - رضا کاظمی اردبیلی

باشلیق : فانی دونیا

بــو دۆنــیا هـئچ کـێمه قـالماز یــالاندؽ 
بــۆتـۆن یـــغدؽق لارۇن بـۇردا قـالاندؽ

 

اگـــر بـێر اێـنسانؽن واقــتؽ قــۇتـارسا
اجــــل بــاخــماز قـوْجا یا کی جاواندؽ 

 

ائدیب حاقی ناحاق ظُلمه گۆوه ن مــه
کــی مـظلۇمۇن آهــی درده ســــالاندؽ 

 

دئــمه بــی کـسدی بـۇ حاقؽن آلان یوخ
اوْنـۇن الله هـی وار حــاقؽن آلانــــــدؽ

 

بـــۇنۇ اؤرگش یــالان دۆنـیاده ظالـــێم 
حـــقیقێ دۆنـــیادا اوْد دا یــــانـــانــدؽ

 

اگــــر اؤزگــه مــالی بــوْینۇنـــدا واردی
اوْنو تئز اؤلمه میش پاک ائت آمــــاندؽ

 

فقط بــوْینۇنداکی حــق ، پـۇل اوْلانماز
بــابـام دێــل یــاره سـێ قــلبی چالاندؽ

 

بــوْ دۆنــیا فـــانێ دور فـــانێ ایـــنانما
رێضــــا ســـندن فــقط بــێر آد قـالاندؽ

 

شاعر : #رضا_کاظمی_اردبیلی

درد جامعه - رضا کاظمی اردبیلی

باشلیق : جامعه دردی

مسئــۇلارؽــمؽز ؛ اؤلــکده بێــر سُفـره ســالؽبدی.!؟
تــام دؤره وَرێـن تــۇتماغا ؛ دوْست ، آشنا آلؽبدی.!

 

اۆســتۆنده دێ اێــسلام آدؽ بـۇ اؤلکه نێن اَمـما.!
باشــلؽ یئخؽلؽب بـۇردا ؛! وَ بـاشسؽز اۇجالؽبدی.!

 

ائــولنممه گ اوْلـــۇبدۇ داهـا روْیــا کــێمێ بۇردا.!
گَل داده اؤزۆن تانرؽ ؛! قؽز ، اوْغلان قوْجالؽبدی.!

 

شــرمنده اوْلــۇبدۇ کـیشی اؤز اهــل ؛ ایـالیندان.!
یــوْخدۇ اۆزۆ گـئدسێن ائـوه اوْ چــؤلده قالؽبدی.!

 

کــؤکدن قـــۇرۇدۇب غـــیرتی شــیطانِ مَـجازێ.!
فــحشاوْ زیــــنا ده گــۆنۆ گــۆندن چـــوْخالێبدی.!

 

غــملر بــۆرۆیۆب هــریانؽ یوْخسۇلدۇ جــماعت.!
شــادلیق ائـله بــێل اؤلکــده کؤکدن ســارالێبدی.!

 

چــوْخ کـتد لـرێمێزده ؛! سـۇآ حسرتدێ جـماعت.!
بـێر فــێکر ائلئین کـتد لـره ؛! دێــل لـر قارالؽبدی.!

 

یــازدؽقجا رێـضا کــاظێمی بــۇ سـؤزلـرێ ؛ هردن؛
گـؤز یاشلارؽ ؛ اوزدن آخیب ؛ هـم قــلبی یانؽبدی

 

ای سن کێ یاتؽبسان مێزێن اۆستۆنده آیـل دای.!
چوْخ اێشله رێمێز واردوکو ؛ قوْل باغلی قالێبدی.!

 

شاعر : #رضا_کاظمی_اردبیلی