توپراق - رضا کاظمی اردبیلی

باشلیق : توپراق 

اولکــــه‌مـیـــزی آتماروق 

هئی قورویوب یاتماروق

بیـر یــوموروق توپراغین

اوزگـــــه‌لــــره ساتماروق

#رضا_کاظمی_اردبیلی

خیانت‌کار - رضا کاظمی اردبیلی

باشلیق : خیانت

یــاد آیاغـــــین یاغـــلاما 

دوشــمانا بئــل باغــلاما

اَل اوزادیـــب دوشــمانا

دوست اوره‌گین داغلاما

#رضا_کاظمی_اردبیلی

توی - رضا کاظمی اردبیلی

باشلیق : توی 

سوبایلیق سونبولون بیچ باشدا دوستوم 

اولوبــسان «جنٌـتی» دای یاشدا دوستوم 

سئچیب بیـر نازلـی گول گول‌لر ایچیندن 

اولوب « داماد » تویو دای باشلا دوستوم

#رضا_کاظمی_اردبیلی

سن اولمایاندا - رضا کاظمی اردبیلی

باشلیق : سـنسیز 

هــر گــۆن اۆره گـین یـانـان چیـراغی
ســنسیز تـؤکـۆلۆب اۆرکــده سـؤندی
بــینیمده گــــزن بـــؤیـۆک اۆمـــۆدلر
ســـندن ســوْرا بیــر خــییاله دؤنــدی 

 

حــسرت بـۆرۆیـوب بـۆتۆن وۇجودی
قــارتال کــیمی بــیر جـاوانی ییخدی 
ســندن ســوْرا درد ، فیکیر هر آخشام 
هـئی دیــرناق آتـیب بوْغازی سیخدی

 

هــر گـۆن اۆره گـیم بــۇ آیــریلیقدان 
بـیر داغ کـیمی اوْد تـۇتـۇب داغیلدی 
تک لیک داش اوْلوب گؤیۆن اۆزوندن 
ســــنسیز بــــــاشیما بـــتر یـــاغیلدی 

 

یــوْخدۇر دؤزۆمـوم بــۇ هیجرانا دای 
سنســیز یــاشاماق یـوْرۇب بــۇ جانی 
ایــل لـردی ایـکی دیـــزیم قـــوجاغدا 
هئــی ســویله ییرم بـَه سئوگیم هانی 

#رضا_کاظمی_اردبیلی

توک ای ساقی - رضا کاظمی اردبیلی

باشلیق : توک ای ساقی 

تؤک ای ساقێ جامؽ دوْلدۇر
اۆرکـده درد و غَــم  بــوْلـدۇر
چو یــک افـعی غَم ۇ حسرت 
اۆرک بـاشـین چــالان اوْلــدی

 

تــؤک ای سـاقێ اێـچێم بـاده 
تــۆشـۆب نـازلێ یــارؽم یـاده 
خـــودَش رفـتُ ولــی فِـکرَش 
مَنــێ درده ســــالان اوْلــــدی

 

خوْشــیدێـم بێر یـارؽم واردی
چَتــین گـۆنـــده اوْ دێـلداردی
ولــی غــافـل کــه آن دلــــدار 
چــالؽب دالـدان اێـلان اولـدی

 

دێیه ر دێ سَـن یا‌ دا هئشکێم
فقـط سَـن سَـن مـنێم عشقێم 
ولـی افسوس و صد افـسوس 
بــۆتۆن ســؤزلر یـالان اوْلــدی

شاعر : رضا کاظمی اردبیلی