نامرد - رضا کاظمی اردبیلی

باشلیق : نامرد

بو دونیادا گوزل اینسان هئچ کیم سنه کومک اولماز
چالیش اؤزون بو دونیادا چالیشماسان چورک اولماز

نامـرده باش اگمه‌گـی‌نن نامرد یاپیشماز الووی
وعده وئریب هئی اوینادار اینتیظار قیرار بئلووی

توکــل ائـت آللاهووا تـوت یـولووی گئت قاباغا 
چالیش اؤزون قویما قـویا بـوینووا میننت خاناغا 

قالخ گویلره قارتال کیمی قوی قارغانین گوزی چیخسین
قویما سنی ، قار قار ائدن قارغالارین سوزی ییخسین

شاعر : #رضا_کاظمی_اردبیلی

دوستوق - رضا کاظمی اردبیلی

شعر : رضا کاظمی اردبیلی 
محاوره ای 

1399/03/23

موضوع : دوسلوق 

 

غیرت لی یولداش دوستونون 
غَم توتمیش حالین خوشلاماز
اوز    دوستونا    یاردیم اولار 
دار گوندَه  دوستون بوشلاماز

 

او   دوستا  جان  قوربان  ائلَه 
دوست  سوزین  یئره  سالمییه 
یالان نان     هَه     دئدیک لَری 
پاس    وریب   یئرده   قالمییه

 

دوست  او  دَئیر ساقیز کیمین 
چینئیب      سَنی      تول لییا 
اوزونده     قویروغ     بولئیب 
دال دان       گولَنی       زولییا 

 

سئچَنده    یولداش   آیغ   اُول 
دیل     باز    تولکولَری    اوتور 
گور   کیم  سَنه  جان  یاندیریر 
دوست   اولماقا   اونی   گوتور 

 

کَدر       گون ده      هالولانیب 
اوت   توتوب   یانان دا  سازیم 
گَلیب       یاردیم     اولمی یانا 
یانیب  کول  اولماق   نه  لازیم 
 
❤️❤️❤️❤️❤️

دار گون - رضا کاظمی اردبیلی

باشلیق : دار گون 

گـوزدَن یـاغیش توکن زامان 
غَــــم بئـلیمی بــوکن زامـان 
قـارداش مَـنی چاغـیران لار 
قــاپیمی آچیب گیرمه دی لر

 

آیـــاق آلتــدا قــالان زامـــان 
غَـــم هـاوایا چــالان زامـــان 
قارداش کیمین یولداشلاریم 
گــوز یــاشیمی سیلمه دی لر

 

اوستـــرینده دوردوق لاریم
یــئردَن گـویه قوردوق لاریم
کــافتار مَـــنی ییـین زامـــان 
سَس سیز قالیب دینمه دی لر

 

خـوش گـونومون یولداشلاری 
جیـب لــــریمین قـارداشلاری 
دار گــونوم دَه اوزاق  گــزیب
مـــنی یـــولداش بیلـمه دی لر

شاعر : رضا کاظمی اردبیلی

بکارچیلیق - رضا کاظمی اردبیلی

شعر : رضا کاظمی اردبیلی
محاوره ای 

1399/03/10

موضوع : بکارچیلیق 

 

بی تَخَصص     دانیشجولار 
فارغ  التحصیل      اولدولار 
یوخ     تخَصص    ایشلَمَگه
یانیب گول کیمی سولدولار

 

پارت  اولوب بویوک رِزومَه
کیمین  وار  گویَه  اوجالیب 
کیمین یوخودو دوست آشنا
مَدرک    الین دَه   قوجالیب 

 

چونوب    زامان    ایدارَنین 
هَر    طَرفین   آلیب  دیشی 
شاغل    اولوب   قیزلاریمیز 
بکار   قالیب   یازیغ   کیشی 

 

قوزانیب      سن      ازدواج 
اولوب   ۴۰   یاشی  جاوانین 
بیر  گونی مین گون کِچیلیب
اوت دا     آرزیسی     یانانین 

 

جاوان لار      اَلده      قَلییان 
اوردا     بوردا     بکار    گَزیر 
ایچیر        کِفلَنیر       شَرابی 
بیر    بیرینین    باشین   اَزیر 

 

❤️❤️❤️❤️

آدام ساتان - رضا کاظمی اردبیلی

باشلیق : آدام ساتان ( آدم فروش ) 

آدام ساتانلار دوستـــوم ایــکی اوزلـو هــم بیـــج اولار 
قـــان ایسینی ایلئییب هئــی میلچک کــیمی قانا قونار

تولـــکو اولار آدام ســاتان گـولـوش اوزدن ائــوو ییخار 
اوزده یاخـــشی دالدا سنیــن بویرووه بویده نی سوخار

آدام ساتان تولــکو کیـمی دوسـت اولوب سنــه قاریشار
بیر سوز آتیب بئش گوتوروب گئدیب دالینجاق دانیشار

آدام ساتــان پــــول قــولودو آلــنووا داش زول لییار او 
کـیم یـــال آتـــسا آج تولا تــک اونا قویروق بول لییار او

#رضا_کاظمی_اردبیلی