شعر : رضا کاظمی اردبیلی 
1399/02/01
موضوع : یالقیز 

 

حکیم لَر  جَمع  اولوب  دولسا 
بوتون     دورَم   حَکیم  اولسا 
مَنه    سَنسیز    بو  درمان لار
گَلیب      دَردَه     دَوا   اولماز 

 

اَگر      توتسا     خُدا    قَهری
توتار     یِکسَر     بَلا     شَهری 
اَگَر     اوز   دوندَریب   گِدسَن 
بو    نیسکیل   تَک  بَلا  اولماز 

 

بو  عِشقی  آن لِییب بیل سَن 
گَلیب   آغلا   اونی  سیل سَن 
سَنین  عِشقین دَه  بو  اوغلان 
سولوب  گُل  تَک   فَنا   اولماز

 

سُویوب  سَن آیریسین باتسان 
مُقَدَس  عِشقی  سن  ساتسان 
اولار    سَنسیز   گِئجَم   آغلار 
گَلَن    گون دَه    صَفا    اولماز 

 

اَگر    سئومَک    یالان    اولسا 
اولوب   نیسکیل   قالان  اولسا 
بونی   بیل سین  بیتون  اِئل لَر 
اورک     سول سا    بَقا   اولماز 

 

❤️❤️❤️