دوسلوق - رضا کاظمی اردبیلی

دوست اگــر دوست اولسا، دوستون غملی حالین خوشلاماز.
دوست کیمین دوسلوق ائدیب، دار گونده دوستون بوشلاماز.
شعر: #رضا_کاظمی_اردبیلی

ترسه دونیا - رضا کاظمی اردبیلی

عنوان : ترسه دونیا

بــــیر تــــزه عــــالم گــؤز آچــــدی دونیادا 
ذرّه ذرّه قـــــــــد آتـــــیب چـــــــــاتدی آدا 

 

ایـــندی اوردا بـــیر کــئچل بـــاش هاممییا
یاپما ساچدان پوْز وئریب باش گوسته ریر

 

دونـــیامیز اَلـــدن وئـــریب عــاغلین یامان 
چـــئوریلیب دیــــر آی جَـــماعت دای زامان 

 

گـــؤز دَیـیب گــؤزدن دۆشوب ارزیش داها
ایندی قیچ باشدان اؤزۆن باش گوسته ریر

 

بــــیر گــیزم لــی دَب دۆشۆبـــدۆر هــریآنا
اوْخـشۇیۇب اوْغــلان قــیزا ، قـــیز اوْغلانا 

 

دای اۇتــانماق بــۇغ کــیمی یئردن اۇچوب
آلــدیریب اوْغـلان قاشین قاش گوسته ریر

 

قــایــغی ســیز بــاشلار چــاتیبدیر قـۇدرته 
میــللتی بــــۇ ایــــش ســالیـبدیر حــئیرته 

 

ایـــندی تـحصیل ســیز آدام بیر داش یوْنان
اوســـتادا سارساق دئییب داش گوسته ریر

شاعر : #رضا_کاظمی_اردبیلی

آیریلیق - رضا کاظمی اردبیلی

عنوان : آیریلیق 

نه وار اۆمۆد سنێ باشدان آتؽب راحات یـاتماق.!
نه وار اۆمۆد سَـنه سئـوگیم بـۇ دۆنیادا چاتـماق.

 

آلؽــب فَــلک اَلــه دفتــر ، یـازؽــب قــالاق آیـرؽ.!
بۇ آیـرؽلؽق ائـله سانجؽب ، اۆره ک اوْلۇب یاره.!

 

دوْلۇب گـؤزوم سَنه خاطێر اؤکـۆر اؤکـۆر آغــلؽر.
بێر اوْد وؽرؽر مَنه هر گۆن اۆره ک باشین داغلؽر.! 

 

آغؽــر گلــێر نَفَـسێم دای بــوْغۇر مَــنی غـصصه.!
هـایانداسان قَــره گــۆن لــر چَــکێب مَــنێ داره.!

 

بَتَــر سوْلۇب اۆره ییـمده سن اَکدێیێن گـۆل لر.!
اوْخــور فقط مَـنه سـندن قـۇلاق دا بـۆلبۆل لــر.!

 

اێـنان گـۆلۆم ، گئجه  گۆندۆز عذابدایام سنسیز.!
بــۇ درد لـــره نــئچه اێــلدیـر تـاپــانمـؽرام چاره.!

شاعر : #رضا_کاظمی_اردبیلی

توی - رضا کاظمی اردبیلی

باشلیق : توی 

سوبایلیق سونبولون بیچ باشدا دوستوم 

اولوبــسان «جنٌـتی» دای یاشدا دوستوم 

سئچیب بیـر نازلـی گول گول‌لر ایچیندن 

اولوب « داماد » تویو دای باشلا دوستوم

#رضا_کاظمی_اردبیلی

سن اولمایاندا - رضا کاظمی اردبیلی

باشلیق : سـنسیز 

هــر گــۆن اۆره گـین یـانـان چیـراغی
ســنسیز تـؤکـۆلۆب اۆرکــده سـؤندی
بــینیمده گــــزن بـــؤیـۆک اۆمـــۆدلر
ســـندن ســوْرا بیــر خــییاله دؤنــدی 

 

حــسرت بـۆرۆیـوب بـۆتۆن وۇجودی
قــارتال کــیمی بــیر جـاوانی ییخدی 
ســندن ســوْرا درد ، فیکیر هر آخشام 
هـئی دیــرناق آتـیب بوْغازی سیخدی

 

هــر گـۆن اۆره گـیم بــۇ آیــریلیقدان 
بـیر داغ کـیمی اوْد تـۇتـۇب داغیلدی 
تک لیک داش اوْلوب گؤیۆن اۆزوندن 
ســــنسیز بــــــاشیما بـــتر یـــاغیلدی 

 

یــوْخدۇر دؤزۆمـوم بــۇ هیجرانا دای 
سنســیز یــاشاماق یـوْرۇب بــۇ جانی 
ایــل لـردی ایـکی دیـــزیم قـــوجاغدا 
هئــی ســویله ییرم بـَه سئوگیم هانی 

#رضا_کاظمی_اردبیلی