شعر : رضا کاظمی اردبیلی
محاوره ای
1399/01/18
موضوع : هایانداسان
قویمویوب یاتام گِجَنی
سوگیلیمین خاطیراتی
دَرد قَلمیم گَل اَلی مَه
ایستیرم یازام بایاتی
یئنه دَه یانمیش اورگیم
سینَده وای وای چاغیریر
اوز عِشقینی یادَه سالیب
گور نِجَه غَم نَن باغیریر
هایانداسان نازلی نیگار
حایاط مَنه چَتین کِچیر
بو عاشیقین سَن نَن اوتور
پیکی پیکین اوستَن ایچیر
هایان داسان نازلی نیگار
توتوبدو غَم کَدر مَنی
بو آیریلیق هَم تنهالیق
اِلیب دور حَدر مَنی
بو دَردن ساچیم آغاریب
بَتر قوجالمیشام گولوم
آلیشیب دَردَن یانیرام
آرزولیام هَر گون اولوم
❤️❤️❤️
