توی - رضا کاظمی اردبیلی

باشلیق : توی 

سوبایلیق سونبولون بیچ باشدا دوستوم 

اولوبــسان «جنٌـتی» دای یاشدا دوستوم 

سئچیب بیـر نازلـی گول گول‌لر ایچیندن 

اولوب « داماد » تویو دای باشلا دوستوم

#رضا_کاظمی_اردبیلی

بی قراری - رضا کاظمی اردبیلی

رباعی 

چوْخ ائتمه گیلئی لیک کی سنه یوْخ اونا وار
دۆنیـــا سنـــی آغلاتـــدی سنــه اوْلمــادی یار 
بیــر گــۆن یئتیـشر قــۇرعه دؤیــر پنجرؤوی 
عطشــان دوْداغــا تانــری سپـــر دادمـالی قار 
#رضا_کاظمی_اردبیلی

اصلاح - رضا کاظمی اردبیلی

رباعی

مــن بیــر گئـــجه مـولانی گــوروب رویاده 
گــوردوم کـی دئیـیر : اوردا اولان اوستاده 
آللاهدان آران گر اولا « ایصلاح » یـولداش
ائــل دن ده آران « ایصلاح » اولار دونیاده
شاعر : #رضا_کاظمی_اردبیلی

دایان - رضا کاظمی اردبیلی

باشلیق : دایان 

قـــولاق آس بــیر لحـظه دایان 
اوره ک ســـوزون ائــدیم بیـان 
ایــل لــردی کـی قاش گوزوون 
نقشیـــنه مـــن وورولمــــوشام 

 

درد اوره گــی سیخــان زامــان 
بــوکوب بئــلی ییخــان زامــان 
« لیل سو کیمی آخیب گلیب » 
« چـاتیب سنده دورولموشام »

 

سنــــــی باشـــــدان آتانمیــرام 
هئـــچ گئـــجه نــی یاتانمــیرام 
سنـــــی گــــورمـــه ک دقیقییه 
ساعـات کیمـــین قــورولموشام

 

منـــدن ایـــراق گـــزمه گــی نن 
منــی دای چــوخ ازمـــه گی نن
آنــــــدوسون بـــــا اوز جانیـــما 
اینتــــــیظاردان یــــورولموشام 

شاعر : #رضا_کاظمی_اردبیلی

گئدیرم - رضا کاظمی اردبیلی

باشلیق : گئدیرم 

اولــــــوب مــــــنه دار قفـسیم
آغیـــــــر گلـــــــیر دای نفسـیم
غمـــــدن دولان بــــولاق مـــنه 
اولــــوب یئــکه چــای گئـدیرم

 

گــــــــوزلریمی تیـــــکدیم یولا 
بلکــــــــه گَلـــــن یاریــــم اولا 
ایـــل لر کئـشدی گلمــــدی یـار
عــومروم اولـــدی زای گئدیرم

 

بــو اینتیظار یـــــوردی مــــنی
زلـــــٕـی کیـــمی سـوردی مــنی
عشـــــــقین داهــــــا دفــترینی
باغــــــــــلامیشام دای گئـدیرم

 

دردلـــــریمی گــــتدیم دیــــــله
گــــوز یاشـــیمی سیــله سیــله
اوره ک سوزون شئعر ائله ییب
وئـــردیم سیـــزه پــای گئـدیرم

شاعر : #رضا_کاظمی_اردبیلی