گوردوم - رضا کاظمی اردبیلی

شعر : رضا کاظمی اردبیلی 
سبک : شعر_فیدان
1399/02/22

موضوع : گوردوم 

 

جَهان        دولدو     حَسادَت دَن 
داها   سوز    یوخ     صداقت دَن 
گَلیب  دُوست دُوست  دییَن لَردَن 
خَفادَه        حَمله لَر        گوردوم

 

اوجاددیم     تورک     آدین   گویلَه 
اَگَر       هَزیان      دِسَم     سویلَه 
بونا        یاندیم       دی یاریم نَن 
ایتیلمیش      کَلمه لَر      گوردوم 

 

چوخالدی    باشسیز    اینسان لار 
آزال دی        دین و       ایمان لار 
اورک سیز    قورخاق   اصلان نان 
عَجیب    بیر    جُمله لَر   گوردوم 

 

یامان    گون دَه       دالین دای دم 
سَ سی  چیخجاق   یانین دای دم 
هَمان        جان جان      دییَن لَردن 
بویوک    بیر    ضربه لَر    گوردوم 

 

دولوب     شَه رَه    قَره    بورک لَر 
بیزه      یار     اولمادی     تورک لَر 
گینَه     او     فارس    یازان لاردان 
تَریف لی      صفحه لَر      گوردوم 

 

❤️❤️❤️❤️❤️

بایاتی جدید - رضا کاظمی اردبیلی

شعر : رضا کاظمی اردبیلی 
1399/01/03

موضوع : شعر کوتاه بایاتی 

 

سو      گَلَر   داشا     باخماز 
وُران      اَل    باشا    باخماز
گوزلَه   کیچیک    قیزین نان 
نامرد لَر      یاشا      باخماز 

 

داغ    توکولوب   داش  گَلیر
ایکی   گوزدَن     یاش  گَلیر 
بیلمیرَم           نیه        الله 
ایشلَری میز      چاش    گَلیر 

 

آنا        دیلی        ساتیل سا 
یورد     سیلینیب    باتیل سا 
چیخار     یاد دان    اصلییت
غیرت       دامار      یاتیل سا 

 

گویدَن      ایلدیریم    شاخیر 
گَلیب    سو    چایدان    آخیر 
هَر    نَه    ایش    گورَخ   اونا 
دیققَت دَن       الله       باخیر 

 

اوخور        آغاژدا        بولبول 
گوزلدی     یای دا        سونبول 
دُنیا        اولوم         ایتیم دی 
وار       نَقَدَر      عومور     گول 

 

❤️❤️

عاشیق(عاشق) - رضا کاظمی اردبیلی

شعر : رضا ڪاظمی اردبیلی 
محاوره ای 

موضوع : عاشیق 

 

من     ایئلردی     هَر    گِجه لَر 
سَن نَن     اُوتور    یاتمامیشام 
سَن    آتیبسان    عِشیووی مَن
سَنی       باشدان    آتمامیشام 

 

مَن     دَلی    دیوانه    ڪیمین 
هَر  گون   سَنی   چاغیرمیشام
های ڪوی سالیب اوجا سَسلَن
دَردَن       اِله        باغیرمیشام 

 

نَ     اولار     سِوگیلیم     قاید
سَنسیزلیڪ    اینجیدیر    مَنی 
گِجَه   گوندوز  یانمیش  اورڪ
الله     دان     ایستِییر     سَنی 

 

قاریشیبدور     حِس و   حالیم 
گَه   گور   نَ   گوندییَم  گولوم 
یِتیشیبدور       غَم       بوغازا 
آرزولییام    هَر     گون   اُولوم 

 

اوقَدَر  😭     مَن    آغلامیشام 
وَرَم     گَلیب    دور     گوزومه 
جاوان    یاشدا     قوجالمیشام 
یاشیم       یاراشمیر     اُوزومَه 

❤️❤️❤️❤️❤️

حق سوزلر - رضا کاظمی اردبیلی

شعر : رضا کاظمی اردبیلی 
محاوره ای 

 

موضوع : حَق سوزلر 

 

گورسَن بیر  گون گَلَجَک 
بیزدَه   کَدَرلَردَن   کِچَک
قالمیا  هِچ  اورکدَه  غَم 
کِف شَربَتین بیزدَه ایچَک

 

گورَسَن بیر  گون  گَلَجَک 
حَق فیسادین کوکین یولا
حَق  یِتیشَه  حَق  دارلارا
دونیا    عَدالت دَن   اولا 

 

گورَسَن  بیر  گون گَلَجَک 
دوز  یالانین  یئرین  توتا 
زامان چونوب یاخشیلیق لار
اَفعی  کیمین  پیسی اوتا 

 

گورَسَن  بیر  گون گَلَجَک 
زاماندا  بیر  اوزلوگ اولا 
یالان   وعدَلَر   جَملَشیب
رای گیریدَه دوزلوگ اولا

 

گورَسن  بیر  گون گَلَجَک 
مَحَبَت   هَر   یئره   دولا 
اولکَلَردَه 👥 اینسان لارا 
ثَروتدَن عِشق موهُم اولا

اردبیل - رضا کاظمی اردبیلی

شعر : رضا کاظمی اردبیلی 
محاوره ای 

 

موضوع : اردبیل 

 

آندوسون     بویوگ    الله  آ
ایرانیم دا     تَکدو    بو   یئر 
وصفین  ده   عاجیزدی   قَلم 
گوزَلدی    گویچکدی   بو یئر

 

بویوگ   افتیخار  منیم  چون 
کی     مَن   اردبیلی   اولدوم 
آیری    دوشدوم   بو  شَهَردن 
داریخیب گول کیمی سولدوم

 

غیرَتی      سوروشما     اونان 
کی    توکَه    یوردونا   زَهرین 
اصلییَتین                بَیَنمِییب 
دانا       دَدَه      بابا     شَهرین 

 

یئرده       اولان       توپراقووا 
گوزلَریم       قوربان      اردبیل
هر    طَرفدَن    سَنی    گوروب 
اولدوم    مَن    حیران   اردبیل

 

گوز   آچیب   چوخ لی  ایگیدلَر 
توپراقون     دا    آدلانیب    لار 
اوجالیب    لار    اطرافین    نان 
گوی    لَرَه   قاناد    لانیب    لار