توپراق - رضا کاظمی اردبیلی

باشلیق : توپراق 

اولکــــه‌مـیـــزی آتماروق 

هئی قورویوب یاتماروق

بیـر یــوموروق توپراغین

اوزگـــــه‌لــــره ساتماروق

#رضا_کاظمی_اردبیلی

بایاتی جدید - رضا کاظمی اردبیلی

شعر : رضا کاظمی اردبیلی 
1399/01/03

موضوع : شعر کوتاه بایاتی 

 

سو      گَلَر   داشا     باخماز 
وُران      اَل    باشا    باخماز
گوزلَه   کیچیک    قیزین نان 
نامرد لَر      یاشا      باخماز 

 

داغ    توکولوب   داش  گَلیر
ایکی   گوزدَن     یاش  گَلیر 
بیلمیرَم           نیه        الله 
ایشلَری میز      چاش    گَلیر 

 

آنا        دیلی        ساتیل سا 
یورد     سیلینیب    باتیل سا 
چیخار     یاد دان    اصلییت
غیرت       دامار      یاتیل سا 

 

گویدَن      ایلدیریم    شاخیر 
گَلیب    سو    چایدان    آخیر 
هَر    نَه    ایش    گورَخ   اونا 
دیققَت دَن       الله       باخیر 

 

اوخور        آغاژدا        بولبول 
گوزلدی     یای دا        سونبول 
دُنیا        اولوم         ایتیم دی 
وار       نَقَدَر      عومور     گول 

 

❤️❤️

بایاتی طنز - رضا کاظمی اردبیلی

شعر : رضا ڪاظمی اردبیلی 
محاوره ای 

 

موضوع : بایاتی طنز

 

دام اوستون نَن آی باخار 
نار  ڪَسیلیب  قان  آخار 
مَنیم   بی  قای نانام  وار 
مین   اِئوی   بیردَن  یخار 

 

قئچی    سینان  دورامماز 
چیرڪین  گوزَل  اولامماز 
بالدیز      یخان     اِئولَری 
فَلَڪ       اوزو     یخامماز 

 

اوزاق دان     اوچاغ    گَلیر 
یوز اوسته    قاچاغ      گَلیر 
یازیغ   نَ نَ   جانین  چون 
ایتیل میش   پیچاغ  گَلیر 

 

یِزنَه         گَلَندَه        آنام 
فیشدیریقین     چالیب دور 
مَن نَن       خانیم      گلَنده 
میسدیریقین     سالیب دور 

 

اوزدَه       گَلین      بالدیزلار 
بیر        بیرینَه       اولول لَر 
آیریسینا         دال        دادا 
بیر      بیرینی      سوگول لَر 

❤️❤️❤️❤️

بایاتی(شعر کوتاه) - رضا کاظمی اردبیلی

#شعر : رضا کاظمی اردبیلی 

#بایاتی 

 

گُل اَکمیشم 🌱دول دادی 
میوه  باری🌲 خول دادی 
دِین     آناما  👩‍🏫   گَلسین 
گَلی  یاریم 👩‍🌾 یول  دادی 

 

اورگ  ایشلَر  قان  اولسا 
اَملی   بیر   جان   اولسا 
سولان گول کیمین اولام 
مَن نَن  یاریم  یان اولسا 

 

آلما  واریم  🍎 سویمارام 
اَلدَن   یئره  🍽  قویمارام 
هاردا  گوزومه 👩‍🌾 دیسون 
باخیب  سنه 👨‍⚖ دویمارام 

 

توی سازیمیز تار اولسون 
الله   بیزه   یار   اولسون 
بیز      یاپیشاق     اَل اَله 
دوشمانیمیز  خار اولسون 

 

دوگو  قاینار🥙 قازان دا 
 توبا   اله    🙁   آزان دا 
کاش یانیم دا 😇اولایدین
شعرلَریمی  👀  یازان دا 

بایاتی لار - رضا کاظمی اردبیلی

#شعر : رضا کاظمی اردبیلی 

#بایاتی لار 

 

شیرین  دیئل  بالی  نیلَر 
خوش باختلار فالی  نیلَر 
سَن  کیمین  قیزی  اولان 
دونیانی      مالی     نیلَر 

 

آخیب  سو لیل  لَندیری 
اوزونی      بیل لَندیری 
سَنون او شیرین دیلون
هامینی      دیل لَندیری 

 

آنام بیر  👧قیز  آلیبدی 
منی درده  😩 سالیبدی 
کاشکی آنام 😇 بیلیردی 
سنده گوزوم 🤒قالیبدی 

 

خنجر     دَیه    آشمارام 
هر   سوزه   قاریشمارام 
اوز حیاط یولداشیم نان 
زَهَرلی    دانیش    مارام 

 

قیش یِتیشیب قار گَلیب 
باغچالارا     نار     گَلیب 
گِدین       آناما       دِیین 
ایستَدیگیم    یار    گَلیب