آیریلیق - رضا کاظمی اردبیلی

عنوان : آیریلیق 

نه وار اۆمۆد سنێ باشدان آتؽب راحات یـاتماق.!
نه وار اۆمۆد سَـنه سئـوگیم بـۇ دۆنیادا چاتـماق.

 

آلؽــب فَــلک اَلــه دفتــر ، یـازؽــب قــالاق آیـرؽ.!
بۇ آیـرؽلؽق ائـله سانجؽب ، اۆره ک اوْلۇب یاره.!

 

دوْلۇب گـؤزوم سَنه خاطێر اؤکـۆر اؤکـۆر آغــلؽر.
بێر اوْد وؽرؽر مَنه هر گۆن اۆره ک باشین داغلؽر.! 

 

آغؽــر گلــێر نَفَـسێم دای بــوْغۇر مَــنی غـصصه.!
هـایانداسان قَــره گــۆن لــر چَــکێب مَــنێ داره.!

 

بَتَــر سوْلۇب اۆره ییـمده سن اَکدێیێن گـۆل لر.!
اوْخــور فقط مَـنه سـندن قـۇلاق دا بـۆلبۆل لــر.!

 

اێـنان گـۆلۆم ، گئجه  گۆندۆز عذابدایام سنسیز.!
بــۇ درد لـــره نــئچه اێــلدیـر تـاپــانمـؽرام چاره.!

شاعر : #رضا_کاظمی_اردبیلی

سن اولمایاندا - رضا کاظمی اردبیلی

باشلیق : سـنسیز 

هــر گــۆن اۆره گـین یـانـان چیـراغی
ســنسیز تـؤکـۆلۆب اۆرکــده سـؤندی
بــینیمده گــــزن بـــؤیـۆک اۆمـــۆدلر
ســـندن ســوْرا بیــر خــییاله دؤنــدی 

 

حــسرت بـۆرۆیـوب بـۆتۆن وۇجودی
قــارتال کــیمی بــیر جـاوانی ییخدی 
ســندن ســوْرا درد ، فیکیر هر آخشام 
هـئی دیــرناق آتـیب بوْغازی سیخدی

 

هــر گـۆن اۆره گـیم بــۇ آیــریلیقدان 
بـیر داغ کـیمی اوْد تـۇتـۇب داغیلدی 
تک لیک داش اوْلوب گؤیۆن اۆزوندن 
ســــنسیز بــــــاشیما بـــتر یـــاغیلدی 

 

یــوْخدۇر دؤزۆمـوم بــۇ هیجرانا دای 
سنســیز یــاشاماق یـوْرۇب بــۇ جانی 
ایــل لـردی ایـکی دیـــزیم قـــوجاغدا 
هئــی ســویله ییرم بـَه سئوگیم هانی 

#رضا_کاظمی_اردبیلی

دایان - رضا کاظمی اردبیلی

باشلیق : دایان 

قـــولاق آس بــیر لحـظه دایان 
اوره ک ســـوزون ائــدیم بیـان 
ایــل لــردی کـی قاش گوزوون 
نقشیـــنه مـــن وورولمــــوشام 

 

درد اوره گــی سیخــان زامــان 
بــوکوب بئــلی ییخــان زامــان 
« لیل سو کیمی آخیب گلیب » 
« چـاتیب سنده دورولموشام »

 

سنــــــی باشـــــدان آتانمیــرام 
هئـــچ گئـــجه نــی یاتانمــیرام 
سنـــــی گــــورمـــه ک دقیقییه 
ساعـات کیمـــین قــورولموشام

 

منـــدن ایـــراق گـــزمه گــی نن 
منــی دای چــوخ ازمـــه گی نن
آنــــــدوسون بـــــا اوز جانیـــما 
اینتــــــیظاردان یــــورولموشام 

شاعر : #رضا_کاظمی_اردبیلی

حسرت - رضا کاظمی اردبیلی

باشلیق : حسرت

 

گــوزله ریــم سنـــسیز آغـــلاییر 
اود ویــــریب قَــــلبی داغــلاییر 

سیـنیخیب سنـــسیز اولمــوشام
اوچــــوخلی بیـــر خانــه کـیمین

 

گَـــل اوزووَه سئـــــوگیم اویـان
آتیــــب مَنـــــی گئـــتمه دایــان 

گَــــل یانیــــما قــــوی دولانیــم 
بـــــاشووَه پــــــــروانه کیـــمین 

 

هـــر گــون سَنه فیـکیر له شیب
اوزوم اوزوم دن بـــــیر له شیب

گَـــــزیب ســــنی آخـــتاریـــرام 
بیـــــــر دلـــی دیوانـــه کیـــمین 

اویـــان دا گــــــاه بی یاندییــام
هــئچ بیلمیــــــــرم ‌هایاندییــام 

اولموشـــــــــام آواره گـــولـــوم 
آدمِ بـــــی خانــــــــــــه کیـــمین 

 

شاعر : رضا کاظمی اردبیلی

قارانقو - رضا کاظمی اردبیلی

باشلیق : قارانقوُ

دوغـوم گونـوندن آلنیما ، ووروب فلک بویوک کدر
گلن گونوم گوز آچجاغین ، سکته ائدیب اولور هدر

ذرّه ایشیق گوره‌م‌میرم ، آلیب قارانقوُ دوره‌‌می
چون‌کی گوروب گوز آچجاغین ، گوزوم کاسیب‌لیغی،غمی

آیــاق قویـوب بوغـازیما ، بتــر سیخیر بو روزیگار 
بلکــه‌ده اولمــوشم جانیم ، موجازاتیم‌دی بو دیار 

الهـی وئرگــی‌نن جـاواب ، نیله‌میشدیم آخی سنه 
سرنوشتی یازان‌دا سن ، خوش گونو یازمادین منه

شاعر : #رضا_کاظمی_اردبیلی