دوسلوق - رضا کاظمی اردبیلی

دوست اگــر دوست اولسا، دوستون غملی حالین خوشلاماز.
دوست کیمین دوسلوق ائدیب، دار گونده دوستون بوشلاماز.
شعر: #رضا_کاظمی_اردبیلی

توپراق - رضا کاظمی اردبیلی

باشلیق : توپراق 

اولکــــه‌مـیـــزی آتماروق 

هئی قورویوب یاتماروق

بیـر یــوموروق توپراغین

اوزگـــــه‌لــــره ساتماروق

#رضا_کاظمی_اردبیلی

سن اولمایاندا - رضا کاظمی اردبیلی

باشلیق : سـنسیز 

هــر گــۆن اۆره گـین یـانـان چیـراغی
ســنسیز تـؤکـۆلۆب اۆرکــده سـؤندی
بــینیمده گــــزن بـــؤیـۆک اۆمـــۆدلر
ســـندن ســوْرا بیــر خــییاله دؤنــدی 

 

حــسرت بـۆرۆیـوب بـۆتۆن وۇجودی
قــارتال کــیمی بــیر جـاوانی ییخدی 
ســندن ســوْرا درد ، فیکیر هر آخشام 
هـئی دیــرناق آتـیب بوْغازی سیخدی

 

هــر گـۆن اۆره گـیم بــۇ آیــریلیقدان 
بـیر داغ کـیمی اوْد تـۇتـۇب داغیلدی 
تک لیک داش اوْلوب گؤیۆن اۆزوندن 
ســــنسیز بــــــاشیما بـــتر یـــاغیلدی 

 

یــوْخدۇر دؤزۆمـوم بــۇ هیجرانا دای 
سنســیز یــاشاماق یـوْرۇب بــۇ جانی 
ایــل لـردی ایـکی دیـــزیم قـــوجاغدا 
هئــی ســویله ییرم بـَه سئوگیم هانی 

#رضا_کاظمی_اردبیلی

دایان - رضا کاظمی اردبیلی

باشلیق : دایان 

قـــولاق آس بــیر لحـظه دایان 
اوره ک ســـوزون ائــدیم بیـان 
ایــل لــردی کـی قاش گوزوون 
نقشیـــنه مـــن وورولمــــوشام 

 

درد اوره گــی سیخــان زامــان 
بــوکوب بئــلی ییخــان زامــان 
« لیل سو کیمی آخیب گلیب » 
« چـاتیب سنده دورولموشام »

 

سنــــــی باشـــــدان آتانمیــرام 
هئـــچ گئـــجه نــی یاتانمــیرام 
سنـــــی گــــورمـــه ک دقیقییه 
ساعـات کیمـــین قــورولموشام

 

منـــدن ایـــراق گـــزمه گــی نن 
منــی دای چــوخ ازمـــه گی نن
آنــــــدوسون بـــــا اوز جانیـــما 
اینتــــــیظاردان یــــورولموشام 

شاعر : #رضا_کاظمی_اردبیلی

ایستی قوجاق - رضا کاظمی اردبیلی

باشلیق : ایستی قوجاق

مـنی سـال باغـر ائـــوینه بــــاشلا دوداق اوپـمکدن
قــوی قوجاق ایستی سی ایله اوره گیم ایستینسین

شاعر : #رضا_کاظمی_اردبیلی