خیانتکار - رضا کاظمی اردبیلی

باشلیق : خیانت

ایستــه‌دی‌گیم آتیــب منی
مونــدار پولا ساتیـــب منی
اینــــدی اونـــون خاطیراتی 
اوره‌ک باشیـــن دلیــر فلک 

نئجــــه دوزوم بــو نیسکیله 
یانمیش اوره‌ک گلیب دیله 
او گئـــــدنـــدن دونـــــیا منــه 
بتـــــــر چتیــــن گلیــــر فلک 

درد دولـوبـــدو قلبیـــمه تـئی 
اوکــور اوکــور آغلیــرام هئی 
یـــــاردان یـــارا یئیــن اوره‌ک 
گــور نـــه یامـــان ملیـر فلک 

اوقـد یاغیـب گـوزوم یاغیش 
دای قالماییب منده باخیش 
تانـــــری نیــــیه دال - بــا دالا 
غـــــــم باشیــــــما اَلیــــر فلک

شاعر : #رضا_کاظمی_اردبیلی

بکارچیلیق - رضا کاظمی اردبیلی

شعر : رضا کاظمی اردبیلی
محاوره ای 

1399/03/10

موضوع : بکارچیلیق 

 

بی تَخَصص     دانیشجولار 
فارغ  التحصیل      اولدولار 
یوخ     تخَصص    ایشلَمَگه
یانیب گول کیمی سولدولار

 

پارت  اولوب بویوک رِزومَه
کیمین  وار  گویَه  اوجالیب 
کیمین یوخودو دوست آشنا
مَدرک    الین دَه   قوجالیب 

 

چونوب    زامان    ایدارَنین 
هَر    طَرفین   آلیب  دیشی 
شاغل    اولوب   قیزلاریمیز 
بکار   قالیب   یازیغ   کیشی 

 

قوزانیب      سن      ازدواج 
اولوب   ۴۰   یاشی  جاوانین 
بیر  گونی مین گون کِچیلیب
اوت دا     آرزیسی     یانانین 

 

جاوان لار      اَلده      قَلییان 
اوردا     بوردا     بکار    گَزیر 
ایچیر        کِفلَنیر       شَرابی 
بیر    بیرینین    باشین   اَزیر 

 

❤️❤️❤️❤️

گوردوم - رضا کاظمی اردبیلی

شعر : رضا کاظمی اردبیلی 
سبک : شعر_فیدان
1399/02/22

موضوع : گوردوم 

 

جَهان        دولدو     حَسادَت دَن 
داها   سوز    یوخ     صداقت دَن 
گَلیب  دُوست دُوست  دییَن لَردَن 
خَفادَه        حَمله لَر        گوردوم

 

اوجاددیم     تورک     آدین   گویلَه 
اَگَر       هَزیان      دِسَم     سویلَه 
بونا        یاندیم       دی یاریم نَن 
ایتیلمیش      کَلمه لَر      گوردوم 

 

چوخالدی    باشسیز    اینسان لار 
آزال دی        دین و       ایمان لار 
اورک سیز    قورخاق   اصلان نان 
عَجیب    بیر    جُمله لَر   گوردوم 

 

یامان    گون دَه       دالین دای دم 
سَ سی  چیخجاق   یانین دای دم 
هَمان        جان جان      دییَن لَردن 
بویوک    بیر    ضربه لَر    گوردوم 

 

دولوب     شَه رَه    قَره    بورک لَر 
بیزه      یار     اولمادی     تورک لَر 
گینَه     او     فارس    یازان لاردان 
تَریف لی      صفحه لَر      گوردوم 

 

❤️❤️❤️❤️❤️

آتما مَنی - رضا کاظمی اردبیلی

شعر : رضا کاظمی اردبیلی 

1399/02/05
موضوع : آتما منی 

 

آیریلیق دان    چوخ   سویلَمه 
آتیب      مَنی     تَرک   ایلَمه 
بئل      باغلِییب      پولو لارا
اوت     ایچینه     آتما    مَنی 

 

خیانت       طَبلینی     دویمَه
من   وارجا  آیریسین  سویمه
گیزلینجَک    قاتیب    رابیطه
مون دار    پولا   ساتما   منی 

 

چوخ   بیلمَه  هامینی  داداش
سویلَرسَن بیر گون آخ یاواش
اورگَش   خروس دان  غیرَتی 
باشسیزلارا      قاتما       منی 

 

رابیطه نی    پول    ساخلاماز 
باش   ایشلَسَه   گوز   آغلاماز 
شَکیل     سالیب     سانتافادا 
اورکدَن        آغلاتما       منی 

 

❤️❤️❤️

نقاب - رضا کاظمی اردبیلی

شعر : رضا کاظمی اردبیلی 
محاوره ای 

موضوع : نقاب 

 

وار   دوسلارین    بعضی لَری 
گولور     یالان نان     اوزومَه 
گوزو   گوتورمی یَن   دوسلار 
قولاق     آسین لار    سوزومَه

 

عزیز  یولداش آچیخدیر  یول
مَنه  سَن نَن  قاقاش چیخماز 
قَشَح  یولداش   اولار قارداش
خَفادَه     قارداشین    ییخماز 

 

حَسادت دَن    اولان  یولداش 
گَلیب    اولماز   مَنه   قارداش 
خَفادَه    تَخریب چی   اینسان 
اولام ماز   هِچ زامان سیرداش

 

اینسانی    ایستی یَن    اینسان 
عَمل دَه   گورسَدَر   سوز   یوخ 
عَمل سیز  اینسان اوز دوستون
اورَکدَن    یاندیرار    کوز   یوخ

 

آخیر   جُملَم   بودور   دوستوم 
کِچَر     دوران     بئلَه     قالماز 
اوچوب   گوی دَه   گَزَن  قارتال 
گَلیب    یِئردَه    یِئرین   سالماز 

 

❤️❤️❤️