باشلیق : یالانچی لار
بـــو دونــیادا یالانــچی لار قــویما سـنه تــور توخییا
گونـــده بــیر حـققا ماهنیـسین قـولاق لاریندا اوخییا
یالانچـــی لار تولکو کیمین چوخ اوزونه نیقاب گئییر
دئسن نیــیه دئـدین یالان بیــر آیریسین تاپیپ دئییر
یالانچــی لار یالان سـوزو چوخلو شیـرین دئیـیر سنه
قورد سنـی آللاتماغیچون مین جور گئییم گئییـر سنه
هــر نــه یــه اولــسا تاماهیــن یــالان اونا کمین قورار
سـونرا بــیلرسن نــه اولوب چـون اوولی شیرین اولار
#رضا_کاظمی_اردبیلی
شعر : رضا کاظمی #اردبیلی
#محاوره ای
#حسادت
گور نَقَدَر چونوب زامان
آبیر قالمییب اصلانا
بی عیدَه تولکی آبرسین
توکوب دو قویمیوب قالا
زَمانَه بیر زَمانَه دور
چوخدو اوردا حسود آدام
فیکیر وِرمَه سوزلَرینه
هورسَه دال دا حسود آدام
چوخ قارغالار قارتال لارا
دال دادا خَط نیشان چَکیر
یاخین ناشان دا سَن اونا
گورورسَن هِچ قارتال دَگیر
چوخ لو تولکولَر تانیام
اوزون اصلانا تای توتار
اوردا بوردا چاخان دِییب
قارتالی اصلانی اوتار
فیکیر وِرمَه چوخ بولارا
بولار بَدبَخت آدام دولار
بادام لارین ایچین دَه بیل
بولار چوروک بادام دولار
